"İndoneziya hakimiyyəti Rusiya Prezidenti Vladimir Putinin G20-yə şəxsən gəlməkdən imtinasına hörmətlə yanaşıb".

Cebhe. info xəbər verir ki, bu barədə "RİA Novosti" İndoneziyanın Rusiyadakı səfiri Xose Antonio Morato Tavaresə istinadən məlumat yayıb.

“Biz Rusiya hökumətinin qərarına, Prezident Putinin Moskvada qalmaq və sammitə getməmək qərarına hörmətlə yanaşırıq,. Başa düşürük ki, onun bunun üçün səbəbləri var”, – Tavares müsahibəsində deyib.

Diplomat sammitin nəticələrini yüksək qiymətləndirib və əlavə edib ki, Cakarta bundan sonra da Moskva ilə siyasi, iqtisadi və mədəni baxımdan əməkdaşlığı artıracaq.

Xatırladaq ki, daha əvvəl Rusiya xarici işlər nazirinin müavini Aleksandr Pankin bildirmişdi ki, Rusiya G20 alyansının bəzi ölkələri ilə milli valyutalarda hesablaşmaların genişləndirilməsi imkanlarını müzakirə edir.
Əlavə edək ki, Rusiyadan başqa, G20-yə Argentina, Avstraliya, Braziliya, Böyük Britaniya, Almaniya, Hindistan, İndoneziya, İtaliya, Kanada, Çin, Meksika, Türkiyə, Səudiyyə Ərəbistanı, ABŞ, Fransa, Cənubi Afrika Respublikası, Koreya Respublikası , Yaponiya və Avropa İttifaqı (Aİ)daxildir.