Bu günlərdəAzərbaycan ərazisində müvəqqəti yerləşdirilmiş Rusiyanın "sülhməramlı" kontingentində xidmət edən və Qarabağda yaşayan "müxtəlif dinlərin və konfessiyaların nümayəndələri" Xankəndində dəyirmi masa ətrafında toplaşıblar.

TEREF.AZ Moderator.az-a istinadla xəbər verir ki, Rusiyada yaşayan haykların "Yerkramas" nəşrinin yaydığı məlumata görə, tədbirin təşəbbüskarı Xankəndindəki qondarma "rus icması"nın rəhbəri, əslində "FSB"-nin rezidenti vəzifəsini icra edən Aleksandr Bordov olub. Dəyirmi masaya erməni apostol kilsəsinin "Artsax" yeparxiyasının ruhanisi, keşiş Mesrop Mkrtçyan, Rus Pravoslav Kilsəsinin xidmətçisi keşiş Dmitri Romanyuk və "İslam ruhanilərinin nümayəndəsi" kimi təqdim olunan(yəqin ki, "sülhməramlı" kontingentdə xidmət edən) Umaxan Sayqitov qatııb.

Tədbiri giriş sözü ilə açan A.Bordov "dinlərarası əlaqələrin möhkəmləndirilməsində göstərdikləri səylərə görə tədbirdə iştirak edənlərə təşəkkürünü bildirib".

"Ruhani məsələlərlə yanaşı, 9 noyabr 2020-ci il tarixli üçtərəfli bəyanatın ən kobud şəkildə pozulması - Azərbaycan “ekoloqları” tərəfindən Laçın dəhlizinin bağlanması ekstremal vəziyyətə və humanitar böhrana səbəb olması faktına da diqqət yetirilib"- xəbərdə belə deyilir.

“Mən bu görüşü təşkil etdiyinə görə Aleksandr Bordova minnətdaram. Hazırkı son dərəcə çətin vəziyyətdə mənəvi səviyyədə ünsiyyətimiz xüsusilə dəyərlidir"- deyə "müsəlmanların nümayəndəsi" hesab olunan U.Sayqitov bildirib...