Hamımız evdə uşaq böyüdürük. Hökümət uşaqlarımızı kirayələrdə sürünə-sürünə, hansı şəraitdə necə böyütdüyümüzlə bir dəfə də olsa qapını döyüb maraqlanmır. Doğulanda xəstəxanaya olan borcumuzu necə ödədiyimizlə maraqlanmır. Xəstələnəndə dərmanları hansı pulla aldığımızla maraqlanmır. Məktəbə gedəndə dəftər-kitabı, qələmi, çantasına qoyduğumuz yeməyi necə aldığımızla maraqlanmır.
İşıq, su, qaz pulunu onca gün gecikdirən kimi xətti kəsib uşaqlarımızı işıqsız, susuz, qazsız-istiliksiz-qaranlıqda qoyurlar.
Uşaqlarımızı 18 yaşına çatana kimi necə böyütdüyümüzlə bir dəfə də olsa maraqlanmayan, uşaq pulu verməyən hökümət oğullarımız 18 yaşını tamam edən kimi qəfildən peyda olub qapını döyəcək, borc istəyəcək.
Soruşmaq ayıb olmasın, o borc hardan və necə yaranır?

Elyar İslamoğlu
AMEA-nın Folklor İnstitutunun aparıcı elmi işçisi
DİA.AZ