Yunanıstanda İsrail vətəndaşlarına və obyektlərinə qarşı terror aktları hazırlamaqda şübhəli bilinərək saxlanılan iki iranlı agentin 2021-ci ilin sentyabrında Kiprdə həbs edilən azərbaycanlı Orxan Əsədovla əlaqəsi ola bilər.

Bu barədə Yunanıstan mətbuatı məlumat yayıb.

Haqqın.az yazır ki, Afinada saxlanılan 27 və 29 yaşlı iki Pakistan vətəndaşının İranla əlaqəli terror şəbəkəsinin üzvü olduğu və İsrail vətəndaşlarına qarşı terror aktı planlaşdırdığı bildirilir.

Saxlanılanlar Yunanıstan paytaxtının tam mərkəzində yerləşən israillilərə məxsus restoranı partlatmaq niyyətində olublar.

Yunanıstanla yanaşı, Kipr mətbuatı da iddia edir ki, Afinada saxlanılan pakistanlılar İran xüsusi xidmət orqanlarının göstərişi ilə Kiprdə israilli iş adamlarına silahlı hücum planlaşdıran 39 yaşlı Rusiya pasportlu azərbaycanlı Orxan Əsədovla birbaşa qohumdurlar.

Kipr polisinin sözçüsü isə mətbuatın əksinə olaraq, Afinada həbs edilən pakistanlıların Əsədovla əlaqəsi olmadığına dair məlumat yayıb.

Qeyd edək ki, Orxan Əsədov İran İslam İnqilabı Keşikçiləri Korpusu (SEPAH) ilə əlaqəli “Hüseyniyun” təşkilatının üzvü hesab olunur və İsrail iş adamlarına sui-qəsd cəhdində şübhəli bilinərək Moskvadan Kiprə uçan Lefkoşada həbs edilib.

Orxan Əsədovla yanaşı onun bir neçə köməkçisi də hazırda həbsdədir.