Qarabağda yaradılmış qondarma rejimin “rəhbərliyi” Xankəndi şəhər memorial kompleksində 2016-cı il - Dördgünlük müharibədə ölən erməni əsgərlərini yad edib.
Adalet.az xəbər verir ki, “ziyarət” zamanı qondarma “prezident” Arayik Arutyunyanı Qarabağ ermənilərinin Yeparxiyasının rəhbəri yepiskop Vrtanes Abramyan, Ermənistan Respublikasının yüksək vəzifəli bir neçə rəsmisii, Ermənistan Respublikasının nümayəndələri müşayiət ediblər.

Məlumatı qondarma rejimin oyuncaq “prezident aparatı”nın iformasiya şöbəsi yayıb.
Bildirilir ki, Arutunyan “Facebook” səhifəsində videolu paylaşım edib və “ziyarət”lə bağlı fikirlərini separatçılarla bölüçüb: “Qarabağda yaşamaq uğrunda mübarizəni qırmaq üçün bizə qarşı çox cəhdlər olub. Aprelin məlum 4 günü məqsədimizə və əzmimizə qalib gəlmək üçün bu düşmənin uğursuz cəhdlərdən biri idi. Kursumuza davam edirik. Və erməni xalqının iradəsi sönənə qədər onun haqlı tələbi aktualdır...
Vətənin azadlığı uğrunda ölməzlər legionuna qoşulanlara təşəkkür edirik. Onların xatirəsinə buxur və ehtiram diləyirəm” – baş separatçı sosial şəbəkədə çərənləyib.

Qeyd edək ki, möhtəşəm zəfərimizə gedən yolda qazanılan ilk qələbədən - Aprel döyüşlərindən 7 il ötür. Beləki, hər zaman “qüdrətli” imici ilə qürrələnən Ermənistan silahlı qüvvələrinin təxribatlarına cavab olaraq Azərbaycan Ordusu sürətli əks-hücum əməliyyatı ilə düşməni ağır məğlubiyyətə uğradıb, Füzuli, Cəbrayıl və Ağdərə rayonlarının işğal altındakı ərazilərinin 2000 hektardan çox hissəsini azad edib.Həmçinin minlərlə hektar ərazi Azərbaycan Ordusunun tam nəzarətinə keçib. Azərbaycan Ordusu dördgünlük Aprel döyüşləri ilə 23 ildən sonra xalqımıza ilk qələbə sevinci yaşadıb. Azərbaycan MN Ordumuzun qəti zərbələri nəticəsində düşmənin 30-dək tankı, 25-dən çox artilleriya qurğusu və digər zirehli texnikası məhv edilib, 320 hərbçisi öldürülüb, 500-dən artıq döyüşçüsü yaralanıb. Ağdərə-Suqovuşan istiqamətində yolların nəzarətdə saxlanılmasının təmin edildiyini bildirdi. Bu döyüşdə “məğlubedilməz erməni ordusu” mifi darmadağın oldu.



Əntiqə Rəşid