Əhməd İsmayılov gələndən bəri qosqoca Azərbaycan mətbuatına (hər halda miçmanın qarşısında uşaq deyil...) sanki babasının çiftliyi kimi yanaşırmış kimi yanaşdı...
Nəticəsi də belə olmalı idi...
Şirnikləndirici təkliflər, habelə şirinliklər hesabına formalaşdırırılan və mətbuat adına çıxış edən bir heyətin bu gün Əhmədə "ləbbeyk" deməyinə baxmayın. Hər kəs bu gün Azərbaycan mətbuatının hansı dərəcədə BÖHRAN içində olduğunun tam fərqindədir.
Bunu elə mətbu məsələlərlə bağlı ölkəmizin ünvanına səslənən BEYNƏLXALQ İRADLARDAN, ələlxüsus da bu iradları səsləndirən qurumların əhəmiyyətindən də anlamaq olur ki, hər kəs durumun fərqindədir. Tək qalanı GERİYƏ - İRƏLİYƏ GETMƏK NAMİNƏ - GERİYƏ addımın atılması, hazırki MEDİA haqqında qanunun yürülüyünün durdurulması, daha mükəmməl hüquqi bazanın formalaşdırılması üçün peşəkarlardan ibarət komissiyanın formalaşdırılmasıdır.
Bunu rəsmi Bakı etməlidir. Əks halda Azərbaycanda hakimiyyətin bir qolunu, həm də əhəmiyyətli qolunu təşkil edən MƏTBUATIMIZ - 4-cü hakimiyyət ləbbeyk mirzələrin yığınına çevriləcək ki, bunun zərərini birbaşa olaraq DÖVLƏTİMİZ GÖRƏCƏK.
Məgər bu gün dövlətimizin başında oturanlar məhz Milli Mətbuatın olan-qalan nümunələri hesabına həm də xarici təbliğata qarşı dimdik dayandığımızı sezmirmi? Aydın deyilmi ki, elə daxili düşmənlər də hansısa TEZİSQULU rolunu oynayan MEDİA SUBYEKTLƏRİ hesabına yox, anlamlı şəkildə dövlət mətbuatı rolunu oynayan KİV-in sayəsində ifşa olunur, ictimailəşir...
Bütün bu həqiqətlər varkən, hansısa məmurcığazların naz-qəmzəsinə qosqoca mətbuatımızı qurban etmək... bu artıq dövlətimizə vurulan ZƏRBƏ ANLAMINDADIR...
Bir həqiqəti də hər kəsin anlaması vacibdir: Əgər 4-cü hakimiyyətin SƏSİ BOĞULURSA... "5-ci kolon" "şaliko" oynaması təbiidir...

Məhəmməd Ərsoy
DİA.AZ-ın baş redkatoru