Tovuzda cırılmış bayraq dalğalanır - İcra başçısından laqeyd münasibət/ FOTOLAR

10-04-2017, 17:39           

oTvuz rayonunda Azərbaycan bayrağına qarşı hörmətsizlik nümayiş etdirilir.

Bu barədə BakiPost.az-a rayon sakinləri məlumat verib. Bildirilib ki, rayonun Bayraq Meydanı adlanan ərazisində dalğalanan üçrəngli bayrağın bir hissəsi 3 gündür, cırılıb. Lakin rayonun icra hakimiyyətinin əməkdaşları bayraqla bağlı bir tədbir görmək haqqında fikirləşmir: "Hər gün buradan keçirlər. Amma heç biri başını qaldırıb bayrağa baxmır. Ya da baxırlar, veclərinə deyil. Bayraq necəsə olub, cırılıb və elə o formada da dalğalanır. Dövlət rəmzinə qarşı bu nə hörmətsizlikdir? Biz bu məsələni işıqlandırmasaq, inanın ki, bəlkə elə 1 il də orada bu formada qalacaq”.

Sakinlər bayrağın fotolarını da redaksiyamıza göndərib. Həmin şəkilləri təqdim edirik:



Qeyd edək ki, Tovuz rayon İcra Hakimiyyətinin başçısı Tofiq Zeynalovdur. O, 10 ildir ki, Tovuz rayonunun icra başçısıdır.

Onu da bildirək ki, bu, T. Zeynalovun bayrağa qarşı diqqətsizliyi ilə bağlı ilk hal deyil. Belə ki, mətbuatda onun pis vəziyyətdə olan Bayraq Meydanına qarşı laqeyd münasibət sərgilədiyi, büdcədən 1,5 milyon pul ayrılmasına rəğmən, rayonda abadlaşdırma işləri aparmadığına dair məlumatlar yer almışdı.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru