Təşkil olunan yarışda 2 dəqiqəyə bir şüşə likörü içən kişinin ürəyi dayanıb.

Cənubi Afrika Respublikasında (CAR) sürətli içki içmək yarışına qatılan alkoqol həvəskarı ölüb.

Mükafat fondu təqribən 11 ABŞ dolları (200 CAR rendi) təşkil edən yarışın şərtlərinə əsasən, bir şüşə likörü ən tez içməyi bacaran şəxs qalib elan olunacaqdı.

Qalib likör şüşəsini 2 dəqiqəyə boşaltdıqdan dərhal sonra huşunu itirərək yerə yıxılıb. O, xəstəxanaya çatdırılsa da, kişinin həyatını xilas etmək mümkün olmayıb.

Polis hadisə ilə bağlı təhqiqata başlayıb.
lenta.ru