Axşam saatlarında Moskva yaxınlığındakı Puşkində Sokolovskaya küçəsində yerləşən ət kombinatının inzibati binası yanıb.

32gun.az Rusiya KİV-nə istinadən bildirir ki, hadisə ilə bağlı ölkənin Fövqəladə Hallar Nazirliyinin rayon Baş İdarəsinə məlumat verilib.

Nazirlik əməkdaşları aydınlaşdırıblar ki, yanğın ət kombinatının ərazisində yerləşən binanın ofislərindən birində baş verib. Daha sonra alov bütün binaya yayılıb.

Yanğının söndürülməsinə 56 yanğınsöndürən və 20 ədəd xüsusi texnika cəlb olunub. Alovun digər tikililərə keçməsi təhlükəsi ilə əlaqədar yaxınlıqdakı tikililərə çiləmə işləri aparılır.

Hələlik ölən və ya yaralananlar barədə məlumat yoxdur.

Prokurorluq hadisənin baş vermə şəraitinin araşdırılmasının onların nəzarətində olduğunu vurğulayıb.