Yaponiya paytaxtı Tokionun rayonlarından birində baş verən güclü yanğın şəhərin ən sıx dairəvi dəmiryol xətlərindən birində qatarların hərəkətinin qismən dayanmasına səbəb olub.

Paytaxtın fövqəladə hallar xidmətinin məlumatına görə, yanğın Ota rayonundakı Omori stansiyasının yaxınlığında baş verib.

İlkin məlumata görə, yerli restoranlardan biri yanıb. Yanğın səbəbindən Yamanote dairə xəttinin bir hissəsində və bir neçə digər qolda nəqliyyatın hərəkəti dayandırılıb. Dayanmış qatarlardan ən azı 800 sərnişin təxliyə edilib. Bir nəfər yaralanıb.