Mirqədirovda Azərbaycanı tərk etdi

16-09-2016, 18:15           
Mirqədirovda Azərbaycanı tərk etdi
Sentyabrın 16-da siyasi icmalçı və keçmiş məhbus Rauf Mirqədirov Almaniyaya yola düşüb.

“Qafqazinfo” xəbər verir ki, bu barədə Rauf Mirqədirovun özü Meydan TV-yə məlumat verib. O, Frankfurta və ordan da 3 günlük seminarda iştirak etmək üçün Varşavaya yola düşəcək.

Rauf Mirqədirov beynəlxalq tədbirdən sonra İsveçrədə məskunkaşan ailəsinin yanına gedəcək: "Məhkəmə mənim ölkəni tərk etməklə bağlı iddiamı təmin edib. Ona görə mən həbs olunandan sonra İsveçrədə məskunlaşan ailəmin yanına gedəcəm".

Amma siyasi icmalçı ölkəyə qayıdıb-qayıtmaması barədə sualı cavablandırmayıb: "Hələ bu barədə heç nə deyə bilmərəm".

R.Mirqədirovun vəkili Fuad Ağayev “Qafqazinfo”ya açıqlama verərək bildirib ki, müvəkkilinin ölkədən çıxışına təxminən 2 ay öncə icazə verilib: “Təxminən iki ay öncə Yasamal rayon məhkəməsində müracitətimizə baxıldı və təmin edildi. Qərar əsasən, Rauf Mirqədirovun sentyabr və oktyabr ayı olmaqla iki ay müddətinə ölkədən çıxışa icazə verildi”.

R.Mirqədirov 2014-cü ilin aprel ayında Türkiyədə saxlanılıb. Jurnalist daha sonra Azərbaycana deportasiya olunub. O, Cinayət Məcəlləsinin 274-cü (dövlətə xəyanət) maddəsi ilə ittiham olunub. Bakı Ağır Cinayətlər Məhkəməsinin hökmü ilə R.Mirqədirov 6 il müddətinə azadlıqdan məhrum edilib. O, həmin hökmdən apellyasiya şikayəti ilə Bakı Apellyasiya Məhkəməsinə müraciət edib.

Martın 17-də Bakı Apellyasiya Məhkəməsi jurnalistə 5 il şərti həbs cəzası verməklə onu azad edib.












Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.