ABŞ-da fırtına bir neçə nəfərin ölümünə səbəb olub.

"Report" xəbər verir ki, bu barədə "ABC" məlumat yayıb.

Məlumatda bildirilir ki, Kentukki və Arkanzas ştatlarında fırtına səbəbindən 4 nəfər həyatını itirib.

Daha əvvəl bildirilirdi ki, Kentukki ştatında fırtına 2 nəfərin ölümünə səbəb olub. Məlumata görə, təbii hadisənin 3-cü qurbanı ştatın Henderson qraflığının sakinidir. Onun cəsədi avtomobildə tapılıb.

Arkanzasda isə bir nəfər küləyin onun avtomobilini aşırması nəticəsində həlak olub.