Aidə Qəmbər: “Növbəti müayinə olacaq”

Fevralın 23-də yenidən Mərkəzi Klinik Xəstəxanasına yerləşdirilən Milli Strateji Düşüncə Mərkəzinin rəhbəri, Müsavat Partiyasının sabiq başqanı İsa Qəmbərin hazırda müayinəsi davam edir. İsa bəy özünü normal hiss edir və bu gün evə buraxıla bilər.

Bu barədə onun həyat yoldaşı Aidə Qəmbər “Yeni Müsavat”a məlumat verdi: “Birinci gün növbəti müayinə olacaq. Ondan sonra qərar qəbul ediləcək. Yəqin ki, evə gedərik. Müayinələr kifayət edən kimi evə gedəcəyik. Özünü tam yaxşı hiss edir, hazırda da hər şey qaydasındadır”.

Qeyd edək ki, bundan öncə ötən ay yanvarın 13-də İsa Qəmbərin səhhətində problem yaranıb və Mərkəzi Klinikaya yerləşdirilib. Müayinələr nəticəsində İ.Qəmbərin infarkt keçirdiyi məlum olub və onun ürəyinə stentlər qoyulub.