Sağlamlıq yoxlamasından keçən Osman Dembelenin sağ ayağının yuxarı əzələsində yırtıq tapılıb.

Qaynarinfo xəbər verir ki, bu haqda "Barselona” komandasından verilən açıqlamada məlumat verilib.

UEFA Çempionlar liqası həftəsində oynanan "Barselona” – "Borussia Dortmund” oyununun 25-ci dəqiqəsində zədələnərək oyunu tərk edən 22 yaşlı fransız hücumçunun 10 həftəyə sağalacağı təxmin edilir.

Mövsümün ilk matçında zədələnəndən sonra ay yarım oynaya bilməyən Dembele son 4 ayda daha 3 dəfə zədə alıb.

Qeyd edək ki, 2017-ci ilin avqustunda "Barselona” "Borussiya"dan transfer etdiyi Dembele üçün 105 milyon avro ödəyib.

Bu mövsüm La Liqada 5, çempionlar Liqasında 3 oyun keçirən Dembele 1 qola imza atıb.