Seneqallı qapıçı Eduard Mendi İngiltərənin “Çelsi” futbol klubundan ayrılaraq Səudiyyə Ərəbistanının “Əl-Əhli” klubuna keçib.

Bu barədə çərşənbə günü “Əl-Əhli”nin Mətbuat Xidməti məlumat yayıb.

31 yaşlı futbolçu ilə 2025/26 mövsümünün sonuna qədər müqavilə imzalanıb.

Mendi 2020-ci ildən “Çelsi”də çıxış edib. 2021-ci ildə komanda ilə birlikdə Çempionlar Liqasının qalibi olub və turnirin ən yaxşı qapıçısı kimi tanınıb.

O, həmçinin “Çelsi” ilə UEFA Superkubokunu və Klublararası Dünya Çempionatını qazanıb. Seneqallı əvvəllər Fransanın “Reyms” və “Renn” komandalarında çıxış edib.

Seneqal millisinin tərkibində Mendi 2022-ci ildə keçirilən Afrika Millətlər Kubokunun qalibi olub.

​Mənbə: TASS