MTN-nin Xudat bölməsinin rəisi də işdən atıldı

28-10-2015, 13:01           
MTN-nin Xudat bölməsinin rəisi də işdən atıldı
MTN-nin daha bir əməkdaşı işdən azad edildi. ANS PRESS-in məlumatına görə, nazirliyin Xaçmaz şöbəsinin Xudat bölməsinin rəisi Rəşad Qasımov sərəncama göndərilib. O, ötən gün nazirliyə gedib.
Faktı Xaçmaz icra başçısının Xudat şəhər nümayəndəsi Akif Mərdanov da təsdiqləyib.
Onun MTN-də çalışan generallardan birinin qohumu olduğu deyilir.

Xatırladaq ki, Milli Təhlükəsizlik Nazirliyinin (MTN) yüksək rütbəli generalı, MTN mərkəzi aparatının rəhbəri Fərhad Vahabovun oktyabrın 19-da həbs xəbəri yayılıb.

Baş Prokurorluqda Cinayət Məcəlləsinin müvafiq maddələri ilə cinayət işi başlanıb, Milli Təhlükəsizlik Nazirliyinin 7 vəzifəli şəxsi Cinayət Məcəlləsinin 308.2, 309.1 və 302.2-ci maddələri ilə təqsirləndirilən şəxs qismində cəlb olunub.

Baş Prokurorluq məlumat yayıb. Cinayət işi üzrə Milli Təhlükəsizlik Nazirliyinin 7 vəzifəli şəxsi Cinayət Məcəlləsinin 308.2, 309.1 və 302.2-ci maddələri ilə təqsirləndirilən şəxs qismində cəlb olunaraq həmin maddələrdə nəzərdə tutulan ittiham elan edilməklə məhkəmənin müvafiq qərarları barələrində həbs qətimkan tədbiri seçilib.

Hazırda istintaq-əməliyyat tədbirləri davam etdirilir.

ANS PRESS xatırladır ki, oktyabrın 19-da Səbail Rayon Məhkəməsində Azərbaycan Milli Təhlükəsizlik Nazirliyinin 10-dək əməkdaşı məhkəmə qarşısına çıxarılıb və onlar barəsində həbs qətimkan tədbiri seçilməsi barədə bəzi KİV-lərdə məlumatlar yer alıb.

Həmin məlumatlara görə, həbs edilənlər barəsində artıq 3 aylıq həbs qətimkan tədbiri seçilib.

MTN-dən həbs xəbərlərinə sərt reaksiya verib.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru