Braziliyada son sutka ərzində daha 66 588 nəfərin koronavirus infeksiyasına yoluxması, 1428 nəfərin isə bu virusdan ölməsi təsdiqlənib.

APA xəbər verir ki, bu barədə ölkənin Səhiyyə Nazirliyi məlumat yayıb.

Nazirlik bildirib ki, indiyədək Braziliyada koronavirusa ümumilikdə 10 324 463 nəfər yoluxub. Bu müddət ərzində 249 957 koronaviruslu xəstə dünyasını dəyişib.

Həmçinin bu günədək 9 281 018 xəstə müalicə olunaraq sağalıb.