ABŞ-də “Helluin” şənliyində atışma: Ölən və yaralananlar var - VİDEO

30-10-2023, 00:04           
ABŞ-də “Helluin” şənliyində atışma: Ölən və yaralananlar var - VİDEO
Florida ştatının Tampa şəhərində atışma olub.

İlkin məlumatlara görə, insident nəticəsində azı iki nəfər ölüb, 18 nəfər yaralanıb.

Hadisə “Helluin” bayramı zamanı küçədə baş verən kütləvi davanın iştirakçılarından birinin atəş açması zamanı törənib.

Qeyd edək ki, ABŞ-nin daha iki şəhərində “Helluin” bayramı şərəfinə təşkil edilən ziyafətlərdə 10-dan çox insan güllələnib. Ən azı iki nəfər ölüb, altısının vəziyyəti ağırdır.

Bununla bağlı sosial şəbəkələrdə video yayılıb.

Videoda İllinoys ştatının Çikaqo şəhərindəki vəziyyət əks olunub. Orada 15 nəfər güllə yarası alıb, onlardan ikisinin vəziyyəti ağırdır.

Həmçinin, Massaçusets ştatının Mansfild şəhərində də atışma olub. Təcili yardım maşını ağır vəziyyətdə olan dörd yerli sakini təcili olaraq xəstəxanaya çatdırıb. Onlardan başqa daha iki nəfər yerindəcə dünyasını dəyişib, ölənlərin hər ikisi azyaşlı olub.

Hazırda polis baş verənlərlə bağlı araşdırma aparır.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru