Bəlkə də çoxunuz onu tanımırsınız, heç adını da eşitməmisiniz, amma Andrey Parubiy gerçəkdən Ukrayna siyasətində, ideoloqiyasında nəhəng yer tutan şəxsiyyətdir.
Parubiy "Avromaydan" hadisələrində Maydanın komendantı idi.
Portnikov bu gün yaxşı yazmışdı, "Ukrayna Rusiyaya qarşı müqavimət qalasıdır və Parubiy onun komendantı idi".
Mən onu Maydanda tanımışdım. Onun nitqlərindən ilhamlanaraq döyüşlərə, güllələrin altına gedən yüzlərlə, minlərlə insanları görmüşdüm. Sonra onlardan birinə çevrildim. Bundan əlavə, Parubiy sonra həm də bilavasitə komandirim olub(bir neçə bölüyə şəxsən rəhbərlik edirdi).
Bu səbəbdən də, son xəbər məni dərin sarsıtdı.
O qədər çox dostramızı, tanışlarımızı itirdik bu müharibədə. Ukraynada yaşayan dostlar sözlərimi təsdiqləyər. Ağırdır, acıdır, sarsıdıcıdır. Bu ağrıları ifadə etmək üçün artıq emosiya da qalmayıb. İnsan quruyur. Göz yaşları da quruyur.
Ruhunuz şad olsun böyük insan, Sizi tanımaq, Sizinlə çiyin-çiyinə durmaq böyük şərəf idi.
Kamran Cəfərov
TEREF