ABŞ Prezidenti Donald Tramp ölkədə seçki sistemində saxtakarlığın qarşısının alınması ilə bağlı tədbirləri nəzərdə tutan fərman imzalamaq niyyətindədir.

Bu barədə o, "Truth Social" platformasında paylaşım edib.

"Seçicilərin şəxsiyyət vəsiqəsi istənilən seçkidə tələb olunmalıdır. Heç bir istisna ola bilməz! Bu məsələ ilə bağlı fərman imzalayacağam", - deyə Tramp vurğulayıb.

Ağ Ev rəhbəri əlavə edib ki, poçt vasitəsilə səsvermə qadağan edilməlidir. İstisna yalnız ağır xəstələr və evindən uzaqda xidmət edən hərbi qulluqçular üçün tətbiq oluna bilər.

"Yalnız kağız bülletenlərdən istifadə edin", - deyə o əlavə edib.