Naxçıvan Muxtar Respublikasının Ali Məclisinin keçmiş Sədri Vasif Talıbov məhkəməyə verilib.

İqtisadiyyat.az-ın əldə etdiyi məlumata görə, bununla bağlı Naxçıvan Muxtar Respublikasının Ali Məhkəməsinə müraciət olunub.

Belə ki, vətəndaş İsmayılov Vaqif Cəlal oğlu V.Talıbov və Naxçıvan Şəhəri İcra Hakimiyyəti barəsində məhkəməyə müraciət edib.

İşin mahiyyəti inzibati orqanların aktları və hərəkətləri (hərəkətsizliyi) ilə əlaqədar mübahisələr - digər məsələlərlə bağlıdır.

Məhkəmə işi hakim Yusifəli Qurbanovun sədrliyi ilə araşdırılacaq.

Qeyd edək ki, V.Talıbov 1995-2022-ci illərdə Naxçıvan Muxtar Respublikasının Ali Məclisinin Sədri olub. O, ötən ilin dekabrında vəzifəsindən azad edilib.