Rusiyanın Belqorod şəhərində aşkar edilmiş sursatdan 500 m radiusda yerləşən 323 fərdi evdən 600-ə yaxın insan təxliyə edilib.

Bu barədə Belqorod vilayətinin qubernatoru Vyaçeslav Qladkov Telegram kanalında bildirib.

"Hazırda Müdafiə Nazirliyinin ekspertləri onun zərərsizləşdirilməsi ilə bağlı qərar qəbul edirlər. Əməliyyat qərargahı 500 m radiusda 323 fərdi yaşayış evinin təxliyyə edilməsi barədə qərar qəbul edib. İlkin məlumatlara görə, bu, təxminən 600 nəfərdir", - o yazıb.

İnsanlara müvəqqəti yaşayış mərkəzlərində yerlər təklif olunub.

Ulitka mikrorayonunda daha iki döyüş sursatı tapılıb. Hadisə yeri mühasirəyə alınıb.