Ruhi xəstəlikdən əziyyət çəkən uşaq Sankt-Peterburq yaxınlığındakı uşaq düşərgəsində müəllimi bıçaqlayıb.

Lent.az yerli mediaya istinadla bildirir ki, hadisə yanvarın 5-də Molodeznoye kəndindəki “Zarya” sağlamlıq kompleksində baş verib. Hadisə şahidlərinin sözlərinə görə, 11 yaşlı uşaq qollarını yelləməyə başlayıb, sonra isə bıçağı tutub.

Qeyd edildiyi kimi, zərərçəkmiş uşağın əlindən təhlükəli əşyanı almağa çalışıb, ancaq əllərinə xəsarət yetirib.

Lakin azyaşlının xəstəxanaya yerləşdirilməsi tələb olunub. Məlumata görə, o, uşaq evinin yetirməsidir və qeydiyyatdadır. Keçən ilin payızında o, müəssisədən yoxa çıxsa da, səhəri gün tapılıb.