Tümen vilayətində ölümlə nəticələnən qəza baş verib. Hadisə Şadrinsk-Yalutorovsk yolunun 180-ci kilometrliyində baş verib.

32gun.az Rusiya LİV-nə istinadən bildirir ki, orada “Lada Priora” və yük maşını toqquşub. İlkin məlumata görə, “Lada Priora” markalı avtomobilin sürücüsü qarşıdan gələn nəqliyyat vasitəsinə qəfil çıxıb və ağır yük maşınına çırpılıb.

Nəticədə avtomobili idarə edən 34 yaşlı qadın aldığı xəsarətlərdən yerindəcə keçinib. Onun arxasında üç övladı qaldığı məlum olub. Hadisə şahidlərinin sözlərinə görə, avtomobil metal qırıntılarına çevrilib.

Maşının hissələri 50 metr məsafəyə səpələnib. Qəza ilə bağlı araşdırma aparılır.