"Qrant verən fondlar yalnız məqsədlərinə görə deyil, həm də hakimiyyətlərlə və ölkədəki vətəndaş cəmiyyətləri ilə münasibət qurma mexanizmlərinə görə fərqlənirlər. NED, EED kimi radikal qüvvələrlə işləyən fondlarla yanaşı, ölkədə olan nisbi loyal təşkilatlarla işləyən onları maliyyələşdirən fondlar və mərkəzlər də var".

Pravda.az-ın xəbərinə görə, bunu hüquq müdafiəçisi Sahib Məmmədov deyib.

S.Məmmədov bildirib ki, belələri hakimiyyətlə dialoqa girərək "yumuşaq təsir" siyasəti aparmaqla istəklərinə tədricən nail olurlar: “Adını çəkmədiyim bir mərkəz var Qırğızstanın qanunvericiliyini yavaş-yavaş dəyişdi və ... istədiyini əldə etdi. İndi o mərkəz Azərbaycanda nə istəyir, edir. Burada faktiki filialı var, amma hökumətlə saziş filan bağlamayıb. Yavaş-yavaş işini görür”.