Rusiyada avtomobil satışı 44.7% azalıb
“Avropa Biznes Assosiasiyası”nın (ABA) dərc etdiyi hesabatda, sanksiyalar səbəbindən Rusiyanın avtomobil sənayesindəki sıxıntıların davam etdiyi üzə çıxıb.

İndex.az xəbər verir ki, ABA-nın hesabatında bildirilib ki, Rusiyada avtomobillərin satışı bu ilin birinci rübündə 2022-ci ilin eyni dövrü ilə müqayisədə 44,7% azalaraq 153 minə düşüb.

Mart ayında isə ötən il ilə müqayisədə 10,6% azalma olduğu bildirilib.

Qeyd edək ki, bir çox qlobal avtomobil şirkəti Rusiya-Ukrayna müharibəsi səbəbindən Rusiyadakı fəaliyyətlərini dayandırıb.