ABŞ hakimiyyəti ayırdığı büdcə vəsaitlərinin Ukrayna hökumətində istifadəsinin nəzarəti üçün 20 milyon dollar ayırmaq niyyətindədir.

Bu barədə ABŞ Beynəlxalq İnkişaf Agentliyi (USAID) məlumat yayıb.

“ABŞ hökuməti Ukraynaya verdiyi birbaşa büdcə dəstəyinə nəzarəti və şəffaflığı artırmaq üçün əlavə 20 milyon dollar ayırır”, - deyə məlumatda bildirilir.

Nəşrdə qeyd edildiyi kimi, ayrılan vəsait ABŞ-dan alınan yardımın idarə edilməsində Ukrayna hakimiyyətinin məsuliyyətini gücləndirəcək.

Bundan əvvəl məlum olub ki, USAID Ukraynaya yardımın inkişafı ilə bağlı mümkün korrupsiya ilə bağlı 178 siqnal alıb.