Yer üzündəki hər kəsi milyarder edə biləcək asteroid! NASA tam 10 kvintilyon dollar dəyərində olan "16 Psyche" tədqiqatına başladı.
Bizimyol.info xəbər verir ki, qiymətli metallarla dolu bu nəhəng qaya parçası təkcə zənginliyi deyil, həm də kainatın sirlərini ehtiva edir. Bəs bu kəşf dünyanı necə dəyişdirə bilər?

NASA, dəyəri 10 kvintilyon (10.000.000.000.000.000.000) dollar dəyərində qiymətləndirilən nəhəng "16 Psyche" asteroidi ilə bağlı geniş araşdırmaya başlayıb. Bu nəhəng qaya parçasının tərkibindəki platin, palladium və digər qiymətli metallarla yer üzündəki hər kəsi milyarder edə biləcək sərvət var. Lakin NASA-nın bu missiyanı yerinə yetirməkdə əsas məqsədi kainatın əmələ gəlməsi ilə bağlı göy cisminin mühüm sirlərini açmaqdır.

"16 Psyche" təxminən 220 kilometr diametrli nəhəng asteroiddir və 30 faizdən 60 faizə qədər metal tərkibi ilə diqqət çəkir. Tərkibindəki qiymətli metallar, xüsusilə platin və palladium avtomobil və elektronika sənayesi üçün kritik əhəmiyyətə malikdir. "TRT Haber"in məlumatına görə, bu asteroidin Yerə gətiriləcəyi təqdirdə adambaşına təxminən 1,2 milyard dollar sərvətin düşəcəyi təxmin edilir. Lakin ekspertlər bildirirlər ki, bu qədər böyük sərvətin buraxılması dünya iqtisadiyyatını sarsıda bilər. Bu qəfil nəhəng dəyər azad bazar sistemini poza və böyük iqtisadi dalğalanmalara səbəb ola bilər.