Azneft 1saylı ixtisaslaşdırılmış neft mədən və xüsusi texnika idarəsinin rəisi Coşqun Mayılov üçün izahlı marifləndirmə.
Son dövrlərdə işəgötürən və həmkarlar ittifaqı tərəfindən müalicəsi ilə əlaqədar xəstəlik vərəqəsi alan və ev şəraitində müalicə alan işçilərin evlərinə getməklə onun evdə olub olmaması halları, evdə olmayan işçilər barədə tibb müəssisələrinə məlumat verməklə xəstəlik vərəqələrinin ləğv etdirmək, akt tərtib etməklə bu işçilərin əmək müqavilələrinin ləğv etmək kimi hallara yol vetilir. Qeyd olunan bu halları aşağıdakı əsaslara görə qanunsuz hesab edirəm:
1. Xəstəliklə əlaqədar işçini müalicə edən həkim tərəfindən müəyyən prosedur tibbi göstərişlər verilə bilər, o cümlədən də ev şəraitində müalicə almaq. Lakin, qanunvericilikdə xəstəlik vərəqəsi ilə əlaqədar müalicə alan işçinin mütləq evdə olması və ya yataq rejimində olması barədə məcburi normativ hüquqi akt yoxdur. Aydındır ki, əgər işçinin xəstəliyi daha ağır vəziyyətdə olsa idi, o ambulator deyil, stasionar qaydada müalicə alardı.
2. Xəstəlik vərəqi işçinin xəstəliyi ilə əlaqədar əmək funksiyalarının yerinə yetirə bilməməsi səbəbinə görə verilən sənəddir. Bu sənəd onun mənzildən kənara çıxmasını qadağan edən sənəd deyil, pandemiya dövründə olduğu kimi. Bu halda həmin işçinin qısa müddətdə evdən həyətə çıxması, maqazinə getməsi, yaxınlıqda olan qohuma getməsi və sair kimi hüquqlarını əlindən almır və xəstə olmamasını təsdiq etmir.
3. İşəgötürən və Həmkarlar ittifaqı tərəfindən işçinin bu qaydada yoxlanılması onların səlahiyyətləri həddində deyil, müstısna hallarda isə bu hüquq müvafiq dövlət qurumlarına məxsusdur, eyni zamanda əmək kollektivi arasında inamsızlıq yaratmaqla işçinin mənzil, istirahət, müalicə və s. hüquqlarının pozulması ilə nəticələnir.
4. İşçinin xəstə olub olmamasını yoxlamaq İşəgötürən və Həmkarlar ittifaqının vəzifəsi deyil, bu tibbi müəssisəlırin səlahiyyətlırinı aid olan bir hüquqdur. Qeyd olunan halda hər iki qurumun əsas vəzifəsi ondan ibarət ola bilər ki, həmin işçiyə və onun ailəsinə maddi, mənəvi və fiziki yardım göstərsin və bu səbəblə əlaqədar işçinin mənzilinə getsin.
5. İşçilərə verilmiş xəstəlik vərəqəsinin ləğv edilməsi səlahiyyətli isə buna kifayət qədər şübhə və əsaslar olduqda, yalnız məhkəmə qaydasında həyata keçirilə bilər.
6. Bir faktı da nəzərə almaq lazımdır ki, qanunvericilikdə saxta xəstəlik vərəqəsini verən tibb işçiləri üçün inzibati və digər müvafiq məsuliyyət nəzərdə tutulmuşdur.
7. İşəgötürənin bu halda, saxta xəstəlik vərəqi verən həkim və tibb müəssisələri barədə müvafiq tədbirlərin görülməsi barədə şikayət verə, onların müvafiq məsuliyyətı cəlb olunması və dəymiş zərərin əvəzinin ödənilməsi barədə iddia qaldırmaq hüququ var.
Azər Quliyev.
Teref.az