Rusiya sülhməramlıları ÖZBAŞINALIĞA DAVAM EDİR... - ÇARƏSİZİKMİ?

25-02-2021, 09:59           
Rusiya sülhməramlıları ÖZBAŞINALIĞA DAVAM EDİR... -
Rusiya sülhməramlıları Laçın su elektrik stansiyasının fəaliyyətinin bərpasına kömək ediblər.
Azvision.az xəbər verir ki, bu barədə Rusiya Müdafiə Nazirliyinin yaydığı məlumatda deyilir.

Qeyd olunub ki, Rusiya və Azərbaycan prezidentlərinin, Ermənistan baş nazirinin 10 noyabr 2020-ci il tarixli üçtərəfli bəyanatının icrası çərçivəsində, Rusiya sülhməramlıları Dağlıq Qarabağda dinc həyatın bərpasına köməklərini davam etdirirlər.

Əvvəllər əldə olunmuş razılaşmalar nəticəsində Laçın Su Elektrik Stansiyasının turbin salonu Rusiya sülhməramlılarının məsuliyyət zonasında idi və su elektrik stansiyasının bəndi isə Azərbaycanın nəzarətinə keçən ərazidədir.

"Rus sülhməramlı kontingentinin komandanlığının köməyi ilə hidroelektrik stansiyanın istismarı bərpa edildi. Hazırda rus sülhməramlıları elektrik stansiyasının blok və sistemlərində təmir işləri aparmaq üçün enerji mühəndislərinin təhlükəsizliyini və maneəsiz girişini təmin edirlər. Bu, Xankəndi şəhərinə və yaxın yaşayış məntəqələrinə elektrik enerjisi verilməsinə imkan yaradır", - deyə məlumatda qeyd olunub.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru