Çərşənbə axşamı İran səsdən 15 dəfə sürətlə uça bilən hipersəs raketi istehsal etdiyini və Tehranın nüvə proqramı ilə bağlı ABŞ-la gərginliyin yüksək səviyyədə qalması fonunda öz arsenalına yeni silah əlavə etdiyini bildirib.

“Associated Press” xəbər verir ki, farsca “Fattah” və ya “Fateh” adlandırılan yeni raket, İranın Ər-Riyadla illərlə davam edən qarşıdurmadan sonra Səudiyyə Ərəbistanındakı diplomatik postlarını yenidən açacağını bildirdiyi bir vaxtda nümayiş etdirildi.

İranın dövlət televiziyasında ciddi şəkildə təşkil olunmuş süjet, görünür, Tehranın sərt hökumətinin hələ də Yaxın Şərqin əksər bölgələrində düşmənlərinə qarşı silahdan istifadə edə biləcəyini göstərməyə çalışırdı.

İran Prezidenti İbrahim Rəisi tədbirdə deyib ki, bu gün onlarda “məhdudlaşdırıcı qüvvə” formalaşıb, bu güc region ölkələri üçün davamlı təhlükəsizlik və sülhün lövbəridir.

Hərbiləşdirilmiş İnqilab Keşikçiləri Korpusunun aerokosmik proqramının rəhbəri general Əmir Əli Hacızadə raketin maketini təqdim edib. Hacızadə iddia edib ki, raket 1400 km (870 mil) uçuş məsafəsinə malikdir.

Bu, İranın geniş ballistik raket arsenalı üçün təxminən orta mənzildir və Qərbin sanksiyaları onun qabaqcıl silahlara çıxış əldə etməsinə böyük dərəcədə mane olduğu üçün Qvardiyanın illər ərzində artırdığı orta məsafədir. Hacızadə iddia edib ki, bu raketə rəqib ola biləcək və ya ona qarşı çıxa biləcək heç bir sistem yoxdur.

Lakin bu iddia raketin manevr qabiliyyətindən asılıdır. Ballistik raketlər “Patriot” kimi raket əleyhinə sistemlərin onların yolunu qabaqcadan görüb, kəsə bildiyi trayektoriya üzrə uçur.

Çərşənbə axşamı keçirilən tədbirdə “Fattah” üçün uçuş trayektoriyalarını dəyişdirməyə imkan verə biləcək hərəkətli bir ucluq olduğu göstərildi. Raketin trayektoriyası nə qədər nizamsız olarsa, onun qarşısını almaq bir o qədər çətindir.

İran rəsmiləri “Fattah”ın uğurla buraxılmasını və sonra hədəfi vurduğu görüntüləri yaymayıb. Daha sonra Hacızadə bildirib ki, raket mühərrikinin yerüstü sınaqları keçirilib. Yer sınaqlarına raket mühərrikinin dayağa quraşdırılması və onun imkanlarını yoxlamaq üçün işə salınması daxildir.

5 maxdan çox sürətlə uçan hipersəs silahları - yəni səsdən beş dəfə yüksək sürətlə uçmaq qabiliyyətində olanlar, sürət və manevr qabiliyyətinə görə raketdən müdafiə sistemləri üçün mühüm problemlər yarada bilər. İran “Fattah”ın səs sürətindən 15 dəfə yüksək olan 15 maxa çata biləcəyini təsvir edib.

Çin, Amerika kimi ölkələrin bu silahın inkişafı ilə məşğul olduğuna inanılır. Rusiya artıq bu silaha sahib olduğunu iddia edir və Ukraynadakı döyüş meydanında istifadə etdiyini bildirib. Bununla belə, sürət və manevr qabiliyyəti raketin hədəfi uğurla vuracağına zəmanət vermir. Ukrayna Hərbi Hava Qüvvələri may ayında Rusiyanın hipersəsli “Kinjal” raketini “Patriot” batareyası ilə vurduğunu bildirib.

ABŞ ilə müttəfiq olan ərəb Körfəz ölkələri regionda “Patriot” raket sistemindən geniş istifadə edir. İranın Yaxın Şərqdəki əsas rəqibi olan İsrailin də öz güclü hava müdafiə sistemi var.

Ötən ilin noyabrında Hacızadə ilkin olaraq İranın hipersəs raketi yaratdığını iddia etdi, bunu sübut edəcək sübutlar təqdim etmədi. Bu iddia 22 yaşlı Məhsa Əmininin sentyabrda ölkənin əxlaq polisi tərəfindən həbsindən sonra ölümi ilə bağlı təşkil olunan ümummilli etirazlar zamanı irəli sürülüb.

Laçın SƏMLA

AzPolitika.info