Tramp BMW-yə qarşı: Avtomobil nəhəngi zərərləri hesablayır

16-03-2025, 15:44           
Tramp BMW-yə qarşı: Avtomobil nəhəngi zərərləri hesablayır
Almaniyanın BMW avtomobil nəhəngi həyəcan təbili çalıb. Belə ki, şirkət ABŞ Prezidenti Donald Trampın başlatdığı ticarət müharibəsinə görə, 2025-ci ildə mənfəətin 1 milyard avro azalmasını gözləyir.

Bu barədə "Reuters" yazır.

Səbəb kimi polad, alüminium və bəzi avtomobil modellərinin, o cümlədən BMW-nin Meksikada istehsal etdiyi modellərin idxalına ABŞ rüsumlarının artırılması göstərilir.

Qeyd edək ki, Trampın Avropa İttifaqına 25 faizlik tariflər tətbiq etmək qərarı Avropa rəsmiləri tərəfindən "düşməncəsinə və təhqiredici" adlandırılıb. Onlar xəbərdarlıq ediblər ki, ticarət qarşıdurması davam edərsə, ABŞ iqtisadiyyatı daha çox zərər çəkəcək.

Aİ də cavab tədbirləri hazırlayır, lakin Vaşinqtonu danışıqlar masasına oturmağa çağırır.

BMW şirkəti isə münaqişənin mərkəzində qalıb. Keçən ilin nəticələrinə görə, avtomobil nəhənginin mənfəəti artıq 37% azalıb.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru