ABŞ Prezidenti Donald Trampın xüsusi nümayəndəsi Stiv Uitkoff Moskvaya son səfərində Putini münaqişəni hazırkı mövqelərdə dayandırmağa razı salmağa çalışıb, lakin Putin bununla razılaşmayıb.

Sherg.az Bloomberg-ə istinadən xəbər verir ki, Kreml rəhbəri sülh sazişinə Zaporojye, Xerson və Donbas bölgələrinin hələ də Ukrayna nəzarətində olan hissələrinin Moskvaya verilməsinin daxil edilməsini tələb edir.

Nəşrin mənbəsinə əsasən, danışıqlar hazırda çıxılmaz vəziyyətə düşüb və bu vəziyyəti yalnız Putin və Tramp arasında birbaşa əlaqə ilə həll etmək mümkün ola bilər.