Ukraynanın paytaxtı Kiyevin Dneprovski rayonunda 36 yaşlı kişi 19-cu mərtəbədən yıxılıb və aşağıda dayanan avtomobilin üzərinə düşüb.

Bu barədə Dneprovski rayon polisindən məlumat verilib.

Məlumata görə, kişi sağ qalıb.

"Kişi yerli sakindir. Onun 36 yaşı var. O, 19-cu mərtəbədən yıxılıb və həyətdəki avtomobilin üzərinə düşüb. Kişi qapalı kəllə-beyin travması, qarın nahiyəsinin qapalı zədəsi, döş qəfəsinin zədələnməsi diaqnozu ilə xəstəxanaya yerləşdirilib", - deyə məlumatda bildirilib.

Həmçinin qeyd edilib ki, müstəntiqlər hadisənin baş vermə şəraitini araşdırırlar.

Yeri gəlmişkən, zərərçəkmiş başqasının maşınına düşüb və zədələyib. Lakin avtomobil onun həyatını xilas edib.