İranın İrəvandakı səfirinin ifşası etiraz doğurdu - danırlar, amma...

Bu gün, 12:36           
 İranın İrəvandakı səfirinin ifşası etiraz doğurdu -
İran İslam Respublikasının Azərbaycandakı səfirliyi Azərbaycanın bəzi xəbər saytlarının İranın Ermənistandakı səfirinə qarşı irəli sürdüyü ittihamları təkzib edib.

Musavat.com bildirir ki, bu haqda "Mehr" Agentliyi xəbər yayıb.

Səfirliyin bəyanatında bildirilir ki, Azərbaycan saytının İran İslam Respublikasının Ermənistandakı səfirinə qarşı “Dağlıq Qarabağ separatçılarına dəstək missiyası” və ya Ermənistan hökumətinə hərbi dəstək göstərməklə bağlı dərc etdiyi ittihamlar “tamamilə əsassız və yalandır”.

“İran İslam Respublikasının Qarabağ münaqişəsinin sülh yolu ilə həlli və Azərbaycan Respublikasının ərazi bütövlüyünün bərpası prosesinin dəstəklənməsinə dair prinsipial mövqeyini xatırladan səfirlik qeyd edib ki, sözügedən xəbər saytının məzmunu müəllifin spekulyativ təfəkkürüdür”, - İran mediası yazır.

P.S. İranın Azərbaycandakı səfirliyinin Tehranın İrəvandakı diplomatının davamlı şəkildə anti-Azərbaycan mövqeli fəaliyyətindən xəbərsizlik nümayiş etdirməsi heyrətamizdir. Doğrudanmı məlumatları yoxdur? Yaxud faktlarla ifşa olunan İrəvandakı səfiri özü və ya İran XİN deyil, Bakıdakı səfirlik niyə müdafiəyə qalxıb?












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru