ABŞ-də antiinhisar araşdırması zamanı "Meta" korporasiyası özünü müdafiə etmək üçün gözlənilməz arqument irəli sürüb. Şirkətin fikrincə, onun əsas xidmətləri olan "Instagram" və "Facebook" artıq istifadəçilər tərəfindən sözün əsl mənasında sosial şəbəkə kimi qəbul olunmur.

Demokrat.az xəbər verir ki, bu barədə "Business Insider" nəşri məlumat verib.

"Meta" iddia edir ki, istifadəçilər öz məzmunlarını getdikcə daha az paylaşırlar ki, bu da platformaları rəqiblər qarşısında zəif edir.

Federal Antiinhisar Komissiyası (FTC) "Meta"nı potensial rəqiblərini aradan qaldırmaq üçün "Instagram" və "WhatsApp"ı əldə edərək şəxsi sosial şəbəkələr bazarın monopolizasiyasında ittiham edir. Məhkəmənin nəticəsi şirkətin məcburi bölünməsinə səbəb ola bilər və ya FTC-nin texnologiya nəhənglərinə aqressiv yanaşması üçün ciddi məğlubiyyət ola bilər.

"Meta" təkid edir ki, platformaları "TikTok" və "YouTube" kimi tətbiqlərlə sərt rəqabətlə üzləşirlər. Şirkət iddia edir ki, bu gün insanların "Facebook" və "Instagram"dan necə istifadə etməsinə səbəb rəqabət əleyhinə hərəkətlər deyil, istifadəçi davranışındakı dəyişikliklərdir.