İmişli rayonu, Qızılkənd kənd sakini Əliyeva Kifayət Seyfulla qızı tərəfindən Hurriyyet.az saytının redaksiyasına şikayət məktubu daxil olub. Şikayətçinin redaksiyamıza göndərdiyi məktubu olduğu kimi dərc edirik:

“Mən, Əliyeva Kifayət Seyfulla qızı, yazaraq bildirirəm ki, hazırda haqqım tapdalanır və müraciətlərim rəsmi qurumlar tərəfindən cavabsız qalıb.

Bildirim ki, Məşğulluq Agentliyi tərəfindən şəhid Habil Hüseynov adına Qızılkənd kənd tam orta məktəbinə xadimə kimi göndərilmişəm. 2-3 gün işlədikdən sonra başqa bir xanımı işə götürüb, mənə isə gözləməyi məsləhət bildilər.

Elə həmin gündən haqsızlıq başladı. Direktora, müavininə nə qədər şikayət etsəm də, xeyri olmadı. “Bu gün”, “sabah” deyib, vaxtı uzadırlar.

Hazırda məktəbin direktoru İbrahimov Qismət Baxış oğlu ağır xəstə olduğu üçün işə çıxmır. Çox güman ki, yerinə müavinini təyin edəcəklər. Bu məktəbdə dərs keçilmir, uşaqlar məktəbə gəlmir. Bütün bunları çəkdiyim videodan da görəcəksiz.

Bütün bunlardan əlavə, məktəbdə rüşvət baş alıb gedir. Mənim işimi də satıblar.

Onu da qeyd edim ki, müavin Murad bəyin həyat yoldaşının məktəbdə adı lobarant vəzifəsində getsə də, məktəbə 1 dəfə də olsun gəlmir.

Nazir Emin Əmrullayev Sabirabad rayonuna gələndə qəbula yazılıb, görüşdə oldum... Məktəbdən çağırdılar ki, şikayət etməyin, 5-10 günə sizə iş verəcəyik. Amma yenə də öz saxtakarlıqlarını etdilər.

Bildirim ki, 4 uşaq anasıyam, maddi vəziyyətimiz çox zəifdir.

Səlahiyyətli qurumlardan xahiş edirəm, bu məsələyə biganə qalmasınlar”.

Jalə FAMİLQIZI

Redaksiyadan: Yazıda adları qeyd olunan şəxslərin mövqeyini dərc etməyə hazırıq.