ABŞ-ın keçmiş prezidenti Donald Tramp “Truth Social” sosial şəbəkəsində bildirib ki, ona filmin rejissoru Kris Kolumb “Evdə tək 2” (1992) filmində rol almağı xahiş edib.

Baku.ws bildirir ki, “30 il əvvəl (zaman necə keçir) rejissor Kris Kolumb və başqaları məndən “Evdə Tək 2″ filmində rol almağım üçün xahiş etdilər”, – o qeyd edib.

Qeyd edək ki, 1992-ci ildə çəkilən filmdə Tramp özünü canlandırır.

Kiçik bir epizodda o, baş qəhrəmana – itmiş oğlan Kevinə kömək edir – ona otel holluna necə getməyi izah edir.

Bütün epizod təxminən 10 saniyə davam edir. O, Makoley Kalkinin canlandırdığı baş qəhrəmanın otelin foyesinə necə gedəcəyini göstərir.

Siyasətçinin sözlərinə görə, bu film Milad bayramının ən böyük hitlərindən biridir.