Aprelin 26-da Qazaxıstanda keçirilən növbədənkənar prezident seçkilərində sensasiya baş verməyib. APA-nın TASS-a istinadən verdiyi məlumata görə, hazırkı dövlət başçısı Nursultan Nazarbayev 97,7% səs toplayaraq öz vəzifəsində qalıb.


Kommunist Turqun Sızdıkov 1,6%, müstəqil namizəd Abelqazi Kusainov isə 0,7% səs alıblar.

Səsvermədə seçicilərin 95,22%-i iştirak edib.

Yekun rəsmi nəticələr mayın 3-dən gec olmayaraq açıqlanacaq.

Qeyd edək ki, prezident seçkiləri əslində 2016-cı ildə keçirilməli idi. Lakin həmin il ölkədə parlament seçkiləri də keçiriləcəyindən, iki seçkinin üst-üstə düşməməsi üçün prezident seçkilərini 1 il erkən keçirmək qərara alınıb.