Türkiyənin Xarici İşlər Nazirliyi (XİN) Suriyadakı rejimi və Rusiyanın hava əməliyyatlarını sərt tənqid edib.

Azvision.az xəbər verir ki, bu barədə Türkiyə XİN-nin rəsmi saytında məlumat yerləşdirilib.

“Suriyadakı rejim və Rusiyanın xəstəxana, məktəb, məscid və digər ictimai obyektlərə yönəlik hava əməliyyatlarını, onlarla vətəndaşın ölümünə səbəb olan hücumları şiddətlə qınayırıq”- deyə Türkiyə XİN-in bəyanatında bildirilib.

Daha sonra qeyd edilib: “Hələbin Şaer məhəlləsində fəaliyyət göstərən xəstəxana tamamilə dağıdılıb. Bunu edənlər insanlıqdan uzaqdırlar. Günahkarlar cəzasız qalmayacaq. Cinayətkarların tezliklə cəzalandırılmasını istəyirik. İnsanlıq tarixinə qara ləkə kimi düşən bu hücumlar tezliklə dayandırılmalıdır”.