Türkiyədə çevriliş baş tutsaydı 22 ölkənin hakimiyyətləri və sərhədləri dəyişdiriləcəkdi - Sensasion iddia
3-09-2016, 11:21
Məşhur türk jurnalist Abdurrəhman Dilpak Kazanda iştirak etdiyi bir tədbirdə sensasion iddia ilə çıxış edib.
Avropa.info xəbər verir ki, Dilipak Türkiyədə baş vermiş 15 iyul dövlət çevrilişi cəhdi zamanı vətəndaşların küçəyə çıxmasının əhəmiyyətinə diqqət çəkərək, türk xalqının bununla da 22 ölkənin xilasına səbəb olduğunu deyib.
"Xalqımız yalnız Türkiyənin xilas olmasına səbəb olmadı, 22 ölkənin xilasına səbəb oldu. Çünki Türkiyəni ələ keçirmiş olsaydılar, Türkiyə üzərindən 22 ölkənin sərhədlərini, rejimlərini, hakimiyyətlərini dəyişdirəcəklər. Halbuki əslində Böyük Yaxın Şərq layihəsini həyata keçiriblər, amma bu dəfə alınmadı. Bir əngəl çıxdı və uğurlu olmadı" deyə Dilipak qeyd edib.
