Türkiyənin Van əyalətində AKP-nin yerli şöbəsi ilə valiliyin inzibati binasının arasında partlayışda yaralananların sayı 48-ə çatıb. Onlardan ikisinin vəziyyətinin ağır olduğu bildirilir.

AKP-nin Vandan seçilən millət vəkili Burhan Kayatürk də deyib ki, hücumda əsas hədəf partiyanın inzibati binası və onu qoruyan polislər olub.

***

Van vilayətində baş vermiş partlayış nəticəsində 19 nəfər yaralanıb. “TRT Haber” telekanalının verdiyi məlumata görə, bunu Van valisi İbrahim Taşyapan deyib.

Onun sözlərinə görə, terrorçuların hədəfi yaxınlıqdakı binaların mühafizəsini təşkil edən polislər olub.

* * *

Türkiyədə yeni partlayış törədilib.

Van şəhərində hakim Ədalət və İnkişaf Partiyasının qərargahı ilə Van valiliyi arasındakı ərazidə güclü partlayış baş verib.

Hadisə yerinə çoxlu sayda təcili tibbi yardım maşını göndərilib. Yaralıların olduğu bildirilir.

Hadisənin arxasında PKK terror təşkilatının dayandığı deyilir.

Partlayış avtomobilə yerləşdirilmiş partlayıcı qurğunun işə düşməsi nəticəsində baş verib.