Türkiyənin Zonguldak əyalətinin Kozlu rayonunda 4 gündə 2 şagird qız qaçırılıb.

Musavat.com-un məlumatına görə, hadisə Nəsibə Hatun qız tələbə yataqxanasında baş verib. Şagirdlər 2 qızın qaçırıldığını əsas gətirərək aksiya keçirib və yataqxanaya girməkdən imtina ediblər.

İddiaya görə, şagird qızlardan biri sevgilisi tərəfindən avtomobilə mindirilərək qaçırılıb. Polisin 1 gün sonra yaxaladığı şübhəli sərbəst buraxılıb. Digər qızın da maşına mindirilərək qaçırılmasından sonra şagirdlər yataqxananadan çıxıb aksiyaya başlayıblar. Yataqxananın tənha yerdə olduğundan, can güvənliyinin olmamasından narahat olan 250-ə qədər qız yaxınlıqdakı inşaatlarda işləyən işçilər tərəfindən söz və göz təcavüzünə uğradıqlarını dilə gətiriblər. Rayon polis rəisi Osman Ak hadisə yerinə gələrək qızlara təhlükəsizlik təminatı verib. Bundan sonra qızlar içəri girərək otaqlarına yerləşib.