"Türkiyədə şaxtalar gələcək üzüm məhsulunun 80 faizə qədərini, ərik, alma və gilas məhsulunun isə 50 faizini tələf edib".

Bu proqnozu TASS-a Türkiyənin Konya Universitetinin professoru Haluk Gedikoğlu verib.

Onun sözlərinə görə, bununla da Türkiyədə meyvə və tərəvəz istehsalı həcmlərində ciddi itki olacaq: "Rusiyaya meyvə və tərəvəz ixracının azalması gözlənilir".

Xatırladaq ki, aprelin 10-13-də Türkiyənin bir sıra rayonlarında son 30 ilin rekord şaxtaları qeydə alınıb.