11 yaşında zorla ərə verildi, 18 yaşında quldur dəstəsinin başçısı, 31 yaşında isə deputat oldu...

14-08-2020, 15:27           
11 yaşında zorla ərə verildi, 18 yaşında quldur dəstəsinin başçısı, 31 yaşında isə deputat oldu...
“Kömək üçün dəfələrlə əlimi uzatdığımda heç kimi tapa bilmədim. Mənə cani dedilər. Özümü heç vaxt yaxşı insan olaraq görməmişəm, amma cani də deyiləm. Etdiklərim kişilərin mənə yaşatdıqlarını onlara geri qaytarmaq idi. Vəhşi meşədə həyatda qaldım. İndi də mənim yaşadıqlarımı yaşayan insanlara kömək etmək məqsədilə yaşamaq üçün Tanrıya dua edirəm”- bu sözlər Hindistanda “ Quldurlar kraliçası” olaraq adlandırılan Phoolan Deviyə məxsusdur.

Demokratik quruluşun mövcud olmadığı, iqtisadi vəziyyətin, təhsil səviyyəsinin aşağı olduğu ölkələrdə insanların həyat standartlarının da aşağı olması və təbəqələşmənin yaranması labüd prosesdir. Bu tip ölkələrin demək olar ki, hamısında qeyd olunan prosesin ən acı nəticələrini qadınlar yaşayır. Çünki onlar yoxsul və səfalət içində doğulmanın əzablarından başqa , belə ölkələrdə cinsi ayrı-seçkiliyin ağrılarını da öz çiyinlərində daşıyırlar.

Qadınlara qarşı zorakılığın, təcavüzün, uşaq yaşda evliliklərin , təhsildən uzaqlaşdırılmanın pik həddə olduğu ölkələrdə qadınların böyük hissəsi bu vəziyyətlə razılaşsa da, bir hissəsi intiharla həyatına son versə də , mövcud şəraitsizlik bəzən dirənən, haqqını tələb edən , sonuna qədər mübarizə aparan və sonunda böyük uğurlar qazanan qadınlar da yetişdirir.

Qadın hüquqlarının yox sayıldığı ölkələr arasında Hindistan adı ilk sıralarda gəlir. Haqqında bəhs etmək istədiyim Phoolan Devi də 1963-cü il 10 avqustda Hindistanın quraq, təsərrüfata yararsız , sənayenin inkişaf etmədiyi , bütün yeniliklərdən geridə qalan bölgəsində dünyaya göz açıb. Baba və nənəsinin vəfatından sonra ailəyə rəhbərlik əmisinə keçir . Lakin əmisi və əmisioğlunun ailəyə məxsus torpaq üzərində ağalıq etməyə çalışması və atasının da buna səssiz qalması Phoolan Devinin hələ uşaq yaşında ailəsinin haqqını tək müdafiə etməyə çalışmasına səbəb olur. Phoolanın sərt etirazının qarşısını almaq məqsədilə əmisioğlu ona “münasib” ər namizədi tapır və 11 yaşındaykən özündən 20 yaş böyük birilə evləndirilir. Evlilikdən sonra gördüyü şiddət və təcavüz səbəbindən dəfələrlə evdən qaçsa da yenidən ər evinə geri qaytarılmışdır. Bir neçə il sonra ailəsinin yanına qayıtmağa müvəffəq olsa , amma ərindən ayrılmış qadın olaraq cəmiyyətdə xoş qarşılanmır. Etiraz səsini ucaltdığı üçün bu dəfə əmisioğlu tərəfindən oğurluqla şərlənərək həbs etdirilir. Həbsdə də şiddət və təcavüzə məruz qalır. Həbsdən çıxdıqdan sonra qulduq dəstəsi tərəfindən qaçırılır və bu dəfə də dəstə rəisinin təcavüzünə məruz qalır, amma öz kastasından olan Vikram adlı quldurla birləşərək rəisi öldürüb dəstəyə birlikdə rəhbərlik etməyə başlayırlar. Phoolan Devi həyatında ilk dəfə bir kişiyə güvənir. Birlikdə varlıların evlərin soyurlar, adam qaçırırlar, zorla evləndirildiyi ərinin kəndinə basqın edirlər. Bir nəfəri bıçaqlayıb , onu “ yaşlı adamlara kiçik qızlarla evlənməmələri üçün xəbərdarlıqdır” qeydi ilə birlikdə yol kənarına qoyurlar. İki quldur tərəfindən Vikramın öldürülməsi ilə yenidən şiddət və təcavüzlü günlər başlayır. Dostlarının köməyilə düşdüyü vəziyyətdən xilas olduqdan sonra Vikramı öldürənlərin olduğu kəndə gələrək onların təslim olmaqlarını tələb etdi və tələbi yerinə yetirilmədikdə isə 22 nəfəri öldürdü. Bu hadisə “Behmai qətliamı” olaraq anıldı. Bundan sonra üst kastadan olan varlı insanların hədəfə alındığı soyğunlar həyata keçirdi. Beləliklə, Phoolan Devi kasıbların , haqqı yeyilənlərin qəhramanına çevrildi. Polis də bu iş qarşısında aciz qalmışdı. Phoolan Devi 4 il dağlarda qaçaq həyatı yaşayır və nəhayət ki, İndra Qandi hökümətinin 1 il ərzində apardığı danışıqlar nəticəsində bəzi şərtlər irəli sürərək təslim olmağı qəbul edir. Şərtlərə görə özü və adamları asılmayacaq, adamlarına səkkiz ildən çox həbs cəzası verilməyəcək, qardaşı işlə təmin olunacaq, haqqı olan torpaqlar isə atasına geri qaytarılacaqdı. 1983-cü ilin Fevralında 8-10 min sevəni qarşısında təslim olur. Məhkəməsi olmadan 11 il həbs həyatı yaşayır. Bu müddət ərzində haqqında kitab yazıldı və film çəkildi. Şiddət və təcavüzə uğraması çox qabardıldığından haqqında çəkilən filmi bəyənmir.

1994-cü ildə həbsdən çıxır , aşağı kastadan olan insanların dəstəklədiyi “Samajwadi” partiyasına üzv olur. Evlənir. 1996-cı ildə parlamentə seçilir. Növbəti seçimdə uduzsa da 1999-cu il seçimlərində yenidən seçilərək parlamentə geri qayıdır. 2001-ci ilin İyun ayında parlament binası önündə sui-qəsd nəticəsində öldürüldü. Sui-qəsdçi “Behmai qətliamı”-nın intiqamını almaq məqsədilə bunu etdiyini desə də, hadisə şahidləri Phoolan Devinin bir neçə insanın silahlı hücumuna məruz qaldığını bildirirlər.moderator.az/шаблоны для dle 11.2












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.