Rusiya diktatoru Vladimir Putin üçün Kiyevə nəzarət etmək çox vacibdir - bu, onun Rusiya Federasiyasının Qərblə qarşıdurması barədə miflərinin qurulmasına daxildir.

Bu fikri tanınmış ukraynalı tarixçi Yaroslav Qrisak «Obozrevatel» saytına müsahibəsində səsləndirib.

«Bu miflər işləyir, amma çox vacibdir ki, Putin müəyyən genologiya qurur - Stalin, Dzerjinski bu mifdə səssiz iştirak edir. Ardınca - Birinci Pyotr, onun qarşısında isə - Aleksandr Nevski, amma bu, mifin sonu deyil, çünki Putin üçün Vladimir Velikiy açar fiqurdur. Onun adaşı və Rusu xaçlandırmış şəxs. Məhz ona görə də Putin üçün Kiyev üzərində nəzarət belə vacibdir. Üstəlik də orada həm də Müqəddəs Sofiya məbədi yerləşir» - o, izah edib.