Amerikalı milyarder İlon Mask Rusiya ordusunun cəbhədə Starlink terminallarından istifadə etməsi ilə bağlı məlumatı şərh edib.

Reyting.az xəbər verir ki, İ. Mask “X” mikrobloqunda bu məlumatları təkzib edib.

Onun sözlərinə görə, Amerika aerokosmik özəl müəssisəsi “SpaceX”-in bu terminalları Rusiyaya satmadığını elan edib.

O, qeyd edib ki, bir sıra yalan məlumatlarda “SpaceX”-in Starlink terminallarını Rusiyaya satdığı iddia olunur: “Bu, tamamilə yalandır. Bildiyimiz kimi, Rusiyaya birbaşa və ya dolayısı ilə heç bir Starlink satılmayıb”.

Şərhlərdə Maskdan şirkətin terminalın Rusiyada işə salınmasından xəbəri olub-olmayacağı soruşulub.

Milyarder cavabında bildirib ki, Starlink peykləri Rusiyada rabitəni bağlamayacaq.

Xatırladaq ki, son vaxtlar internetdə rusların Ukraynanın işğal olunmuş ərazilərində bu terminallardan kütləvi şəkildə istifadə etdiyi barədə məlumatlar yayılıb. “X” istifadəçilərindən biri yazıb ki, Rusiya onları Dubay vasitəsilə alır. Ukrayna kəşfiyyatı rusların söhbətinin dinlənilməsini dərc etməklə bu məlumatı təsdiqləyib. Baş Kəşfiyyat İdarəsinin məlumatına görə, terminallar Rusiyanın 83-cü briqadasının bölmələrində quraşdırılıb.