ABŞ səlahiyyətliləri yerli polisin anbar və onun yaxınlığında olarkən silahlı şəxsin keçmiş prezident Donald Trampı siyasi mitinq zamanı güllələmək üçün anbarın damına necə çıxdığını araşdırır.

“Həmin binada yerli polis olubi. Binanın xarici perimetrinə cavabdeh olan ərazidə yerli polis var idi,” Gizli Xidmətin direktoru Kimberli Çitl ABC News-a bildirib.

Keçən həftə sonu Pensilvaniya ştatının Batler şəhərində Trampın açıq hava tədbirlərində hazırkı və keçmiş prezidentlər və onların ailələri üçün əsas federal hökumətin təhlükəsizlik mühafizəsi agentliyi Gizli Xidmət Trampa yaxın olan daxili perimetrə nəzarət edirdi, xidmət yerli polis tərəfindən izlənilən xarici perimetri tərk etmişdi.

İndi anbarın xarici perimetrini yerli polisə tərk etmək seçiminin düzgün qərar olub-olmadığına dair suallar qaldırılıb. Belə ki, dam örtüyü Trampın danışdığı mitinq səhnəsinin atəş hədəfi məsafəsində olub. Səlahiyyətlilər tərəfindən 20 yaşlı Tomas Metyu Kruks olduğu müəyyən edilən silahlı şəxs damın üstünə hücum silahı aparmağa müvəffəq olub və təxminən 140 metr məsafədən səhnəyə doğru səkkiz dəfə atəş açıb.

Güllələrdən biri Trampın sağ qulağını deşib, mitinq iştirakçılarından biri ölüb, ikisi isə ağır yaralanıb. Kruks Gizli Xidmətin snayperi tərəfindən öldürülüb.

Məxfi Xidmətin daxil olduğu Daxili Təhlükəsizlik Agentliyinin rəisi Alexandro Mayorkas bazar ertəsi bildirib ki, tezliklə sui-qəsd cəhdinin hökumətdən kənar müstəqil yoxlanılması başlayacaq. O, hücumu təhlükəsizlik uğursuzluğu adlandırıb.

ABŞ xəbər mediasının hücum səhnəsinin video təhlili mitinq sahəsinin yaxınlığında bəzi izləyicilərin atəş açılmadan təxminən bir dəqiqə yarım əvvəl anbarın damında bir silahlının olduğunu polisə xəbər verdiyini müəyyən edib.

Kimberli Çitl ABC News-a bildirib ki, bu məlumatlarla silahlının atəş açması arasındakı müddət "çox qısa olub. Hələ bütün detallara sahib deyiləm, lakin müddət çox qısa olub" deyib.

2022-ci ildə prezident Co Bayden tərəfindən təyin edilən Çitl tədbirdəki təhlükəsizliyin idarə edilməsinə görə məsuliyyət daşıdığını, lakin istefa verməyi planlaşdırmadığını deyib.

Məxfi Xidmət bildirib ki, Tramp səhnəyə çıxmazdan əvvəl yerli məmurlar yoldan keçənlər tərəfindən işarələnmiş “şübhəli” adamı axtarıb və bununla bağlı Məxfi Xidmətə məlumat verilib. Lakin həmin axtarışın nə qədər əvvəl aparıldığı və bu barədə agentliyə nə vaxt məlumat verildiyi bəlli deyil.

Mayorkas sui-qəsd cəhdinin təhqiqatının gizli xidmətin və digər hüquq-mühafizə orqanlarının “silahlı hücumdan əvvəl, hücum zamanı və sonra” hərəkətlərini tədqiq edəcəyini deyib.
Tramp hücumda ciddi xəsarət almasa da, asanlıqla öldürülə bilərdi. O, bazar ertəsi Viskonsin ştatının Miluoki şəhərində Respublikaçıların Milli Qurultayına sağ qulağında sarğı ilə qatılıb, O, Respublikaçı həmkarları tərəfindən rəsmi olaraq noyabr seçkilərində partiyanın prezidentliyə namizəd göstərilib.

Federal Təhqiqat Bürosu şənbə günü atışmanın arxasındakı motivi axtarmaqda davam etdiyini bildirib. FTB hadisəni potensial daxili terror kimi araşdırdığını, lakin təhqiqatın hələ ilkin mərhələdə olduğunu və atışmanın motivinin müəyyən edilmədiyini bildirib.

FTB bildirib ki, texniki mütəxəssislər Kruksun telefonuna çıxış əldə edib və onlar onun elektron cihazlarını təhlil edirlər. Kruksun yaşadığı ev və avtomobilində axtarışın başa çatdığı bildirilib. İstintaq qurumu hüquq-mühafizə orqanlarının əməkdaşları, mitinq iştirakçıları və digər şahidlərlə 100-ə yaxın müsahibə apardığını bildirib.