Əksər insanlar üçün tanışlıq həyəcanlı, eyni zamanda yanlış insanı seçmək qorxusu ilə səciyyələnən maraqlı bir prosesdir. Hazırda onlayn tanışlığın populyarlığı və onun ətrafında aparılan müzakirələrin qeyri-müəyyənliyi əsassız iddiaların yaranması üçün münbit zəmin yaradır.

İllərdir tanışlıq xidmətinə rəhbərlik edən Konstantin Domaşnevin Gazeta.ru-ya açıqlama verib.
Bu sahədə uzun illər təcrübə toplamış Konstantin Domaşnev onlayn tanışlıq ətrafında dolaşan bir sıra miflərə toxunub.

O bildirib ki, birinci mif ondan ibarət olur ki, yalnız real həyatda özünə sirdaş tapa bilməyənlər onlayn tanışlığa müraciət edir. Halbuki internetdə potensial partnyor tapmaq üçün imkanlar daha genişdir və insanlar üçün bu məqam çox vacibdir.

Digər məqam doğru anket məlumatları ilə bağlıdır. Əgər fotonuz, anket məlumatlarınız dəqiqdirsə, qarşı tərəf sizin ciddi məqsədlə onlayn resursa müraciət etdiyinizi qəbul edir və tanışlıq daha əlçatan olur.

Ekspertin fikrincə, bu miflərin əksəriyyətinin yaranmasının səbəbləri tanışlıq xidmətlərinin özləridir ki, onların bir çoxu pul qazanmaq üçün əslində uyğun insanları bir-biri ilə tanış etmək əvəzinə tanışlıq oyunları oynamaq üçün proqramlar yaradır.

"Onlayn tanışlığın uğuru, istifadə etdiyiniz xidmətdən və bunu necə etdiyinizdən çox asılıdır", - deyə ekspert bildirib.

Onlayn tanışlıq