Bu araşdırmanı mən iki həftəyə apardım. Çox maraqlı faktlar ortaya çıxdı. Amma gəlin bunu ardıcıllıqla danışım...

Deməli, ötən ayın sonunda sosial şəbəklərin birində Azərbaycan qızlarının əxlaqı barədə müzakirə oldu. Müzakirə iştirakçılarından biri bildirdi ki, tanışlıq və intim xidmətlər təklif edən rusdilli saytlarda Azərbaycan qızları millətimizi biabır edirlər. Onlar tanışlıq və ailə qurmaq istəyi ilə deyil, Azərbaycan vətəndaşlarına və ölkəmizin əcnəbi qonaqlarına tanışlıq saytlarının vasitəsilə intim xidmətlər təklif edirlər. Dünya üzrə rusdilli internet istifadəçilərində getdikcə belə təəssürat yaranır: İnternetdəki tanışlıq saytlarında Azərbaycan qızlarının adından artmaqda olan bu əxlaqsız təkliflər göstərir ki, pozğunluq səviyyəsinə görə, Azərbaycan artıq Şərqi Avropa ölkələrinə çatmaqdadır...

Dərhal bu sorunu araşdırmağa başladım.

Mən bu tanışlıq saytlarının birini, konkret olaraq LOVEPLANET.RU saytını nəzərdən keçirdim. Özünü “azərbaycanlı qız” kimi təqdim edənlərin profillərini ələk-vələk elədim. Çox vaxt itirdim... Topladığım məlumatları analiz edərkən “Naile Axmedova” adlı profil üzərində dayandım.

Profildən aydın olur ki, özünü “Naile Axmedova” kimi təqdim edən bu kəsin 24 yaşı var, Bakıda (Azərbaycan Respublikası) yaşayır, Dolça bürcü altında doğulub və “22 yaşdan 90 yaşına kimi oğlan/kişilərə” intim xidmət təklif edir. Hətta, saytın verdiyi məlumata görə, bu kəsin telefonu da qeydiyyatdan keçib. Onunla əlaqə qurmaq, yəni onun telefonunu bilmək üçün kişilər gərək sayta üzv olsunlar. (BAXIN, ŞƏKİL-1).
şəkil 1

Daha sonra onun öz profilinə yerləşdirdiyi şəxsi şəkillər bölməsinə keçdim. Aydın oldu ki, bu kəs profilinə özünün 23 şəklini yerləşdirib (BAXIN, ŞƏKİL-2).

şəkil 2

Şəkilləri bir-bir nəzərdən keçirdikdə, həqiqət üzə çıxdı...

Bu şəkillərin birində həmin kəs parkda skamyada oturaraq fotoqrafa poz vermişdi (BAXIN, ŞƏKİL-3).

şəkil 3

Bu şəkli böyütdükdə həmin “azərbaycanlı qızın” oturduğu skamyanın söykənəcəyi üzərində əcaib hərflərlə yazının bir hissəsi diqqətimi cəlb etdi (BAXIN, ŞƏKİL-4).

şəkil 4

Bakıda bu formada və söykənəcəyində əcaib hərflərlə yazı olan skamyalar harada var? Bu yöndə axtarış bir nəticə vermədi.

Onda hərflər üzərində dayandım. Nəhayət, aydın oldu ki, bu əndərəbadi, əcaib hərflər nə gürcülərin, nə də həbəşlərin (efiopların) deyil, ermənilərin əlifbasına məxsusdur. Və qədim türk şəhəri İrəvanın erməni-hay dilində tələffüzünə uyğun olaraq erməni-hayca “Erevan” sözünün ilk üç hərfi şəkildən görünməkdədir!
İnternetdə müvafiq istiqamətdə araşdırmadan sonra aydın oldu ki, bu tip skamyalar İrəvanda parklarda yerləşdirilib (BAXIN, ŞƏKİL-5).

şəkil 5

Hətta, vaxtilə erməni saytlarının birinin jurnalisti bu skamyaların istehsalı barədə məqalə də dərc edib (BAXIN, ŞƏKİL- 6).

şəkil 6

Məqalədən aydın olur ki, bu skamyaları 2012-ci ilin baharından etibarən İrəvanın küçə və əsas parklarında (dığalar bu parklara Respublika, Fransa, Şaumyan və Moskva adları veriblər) yerləşdirməyə başlayıblar. İrəvan meriyasının sifarişi ilə skamyaları “NİKOL-DUMAN” adlı istehsalat kooperativi düzəldir. Skamyaların söykənəcəyində erməni hərfləri ilə “erevan” sözü yazılır, skamyanın dışarıdan qollarına İrəvan şəhər meriyasının rəsmi saytının adı həkk edilir (BAXIN, ŞƏKİL-7) ...

şəkil 7

Beləliklə, aşağıdakı həqiqətlər üzə çıxır:

1) “Naile Axmedova” profilini və eləcə də digər pozğun “azərbaycanlı qızlar” adından olan profillər və oradakı “şəxsi” şəkillər saxtadır.

2) Azərbaycan qızlarının adına yozulan bu saxta profilləri ermənilər yaradırlar.
3) Konkret olaraq, “Naile Axmedova” adlı “azərbaycanlı qız” saxta profilini yaradarkən ermənilər səhvə yol vermişlər. Onlar saxta “azərbaycanlı qızlar” profillərinin şəxsi şəkil bölməsini doldurmaq üçün erməni dişilərinin (onlara “qadın, qız və ya xanım” deməyə dilim gəlmir) şəkillərindən istifadə edirlər. “Naile Axmedova” adlı “azərbaycanlı qız” saxta profilini yaradarkən isə, erməni təxribatçıları tələsmişlər, xırda bir detalı gözdən qaçırmışlar; söykənəcəyində erməni dilində yazı olan skamya “şəxsi” fotoya düşüb...

3) Bu saxta profilləri yaratmaqla görünür, ermənilərin məqsədi - ən azından rus və rus dilini bilən əcnəbi millət nümayəndələrində Azərbaycan qızlarının guya əxlaqsız olması barədə yanlış fikir yaratmaqdır. Xüsusilə, müsəlman və türk xalqları arasında Azərbaycan xalqı və xüsusilə, Azərbaycan qızlarını biabır etmək – ermənilərin əsas məqsədlərindən biridir.

Biz hələ bilmirik ki, dünya üzrə çoxmilyardlıq izləyicisi olan ingilisdilli və ya ispandilli tanışlıq saytlarında Azərbaycan xalqı və qadınları barədə erməni vəhşiləri daha hansı iftira və yalanları yayırlar. Axı, erməni kimi murdar yığınından istənilən əxlaqsızlığı gözləmək olar...

Sevda Elay (Əsgərova)
qaziler az